Аймгийн Иргэдийн Төлөөлөгчдийн хурлын 2022 оны 07/16 дугаар тогтоолоор сумын Эрүүл мэндийн төвийг Монгол Улсын хүний гавьяат их эмч, клиникийн профессор Б.Хэнмэдэхэвийн нэрэмжит болгосон. 

Эрүүл мэндийн үйлчилгээний чанар хүртээмжийг нэмэгдүүлэх үүднээс сумын Эрүүл мэндийн төвийг өргөтгөж, хуучин барилгад их засвар хийсэн. Сумын Эрүүл мэндийн төв нь дотрын 6, хүүхдийн 2, халдварт 2, өдрийн эмчилгээний 2 ортой, ажиллах боловсон хүчний нөхцөл хангалттай, Мобайл болон сүүлийн үеийн тоног төхөөрөмж ашиглаж иргэдийг сумандаа шинжилгээ өгөх, оношилгоо хийлгэх боломжоор хангасан тул эрүүл мэндийн чанар хүртээмж хангалттай түвшинд ажиллаж байна. Мобайл технологийг ашиглан сумын малчин өрхөөр жилд 2 удаа тойролт хийж, малчдын эрүүл мэндэд анхааран, анхан шатны шинжилгээ оношилгоог хийж байна.