Олон нийтийн төлөвлөгөө
Төрийн байгууллагын албан хэрэг хөтлөлтийн үйл ажиллагааг сайжруулах үүднээс төсөвт байгууллагуудын архив, бичиг хэргийн ажилтнуудад Засгийн газрын 2020 оны 246 дугаар тогтоолоор батлагдсан албан хэрэг хөтлөлтийн журмаас сэдэв хуваарьлаж, оногдсон сэдвийн дагуу албан хаагч бүр сургалт орж мэдлэг чадвараа хуваалцлаа.
Сумын Засаг даргын үйл ажиллагааны хөтөлбөрийн хэрэгжилтийг хангах үүднээс сумын Засаг дарга Ерөнхий боловсролын сургуулийн 5-9 дүгээр ангийн 63 сурагчдын дунд "Хүүхдээ сонсох өдөр" арга хэмжээг зохион байгууллаа.
Тус суманд 2023 оны эрүүл мэндийн урьдчилан сэргийлэх үзлэг 2023 оны 10 дугаар сарын 03-ны өдөр зохион байгуулагдаж 26 цэргийн насны залуус хамрагдсанаас 19 цэргийн насны залуу 2 дахь ээлжийн цэрэг татлагад тэнцсэн.
Сумын Засаг даргын 2020-2024 оны "Хөгжлийн төлөө хамтдаа-2" үйл ажиллагааны хөтөлбөрт тусгагдсан малчдын зөвлөгөөн аргаа хэмжээг 2023 оны 09 дүгээр сарын 25-ны өдөр зохион байгууллаа.
Тус зөвлөгөөнөөр соёлын биет өвийн үзэсгэлэн, цагаан идээ, гар урлал, тариалан эрхлэлт, шилмэл малын үзэсгэлэн, суран эдлэлийн тэмцээн, хурал зөвлөгөөн, соёлын биет бус өв тээгчдийн тоглолт, үдшийн цэнгүүн гэсэн хэсгээс бүрдэн зохион байгуулагдлаа.
Тус зөвлөгөөнд аймгийн Иргэдийн Төлөөлөгчдийн хурлын төлөөлөгч А.Дааганчулуун, сумын Иргэдийн Төлөөлөгчдийн хурлын дарга Б.Ган-Од, сумын Засаг дарга Н.Бүрэнтэгш нар мэндчилгээ дэвшүүлж үг хэллээ.
Сумын төсөвт байгууллагууд, төрийн захиргааны, улс төрийн албан хаагчдын бодлогын баримт бичгийн хэрэгжилт, албан хэрэг хөтлөлт, баримт бичгийн зохион байгуулалтад Засаг даргын Тамгын газрын дарга, Хууль, эрх зүй хариуцсан мэргэжилтэн нар зөвлөн туслах үйлчилгээг үзүүллээ.
Байгууллагын ажлын зохион байгуулалтыг сайжруулах, төрийн албан хаагчдыг чадавхжуулах албан хэрэг хөтлөлтийн сургалтыг Хууль, эрх зүй хариуцсан мэргэжилтэн зохион байгууллаа. Сургалтад төрийн захиргааны, улс төрийн, үйлчилгээний 15 албан хаагч хамрагдлаа.
"Цахим аймаг" бодлогын хүрээнд тус сумын Засаг даргын Тамгын газрын нэг цонхонд И-Монголиа буланг үүсгэж, иргэд өөрөө хэрэгцээт лавлагаа үйлчилгээг шууд авах боломжтой боллоо. Мөн И-Монголиа үйлчилгээний талаар мэдээлэл, зааварчилгааг холбогдох албан хаагчаас авах боломжтой. Байгууллагаас үйлчилгээ авч байгаа иргэдээс хэрэглэгчийн үнэлгээг цахимаар авч байна.
Засаг даргын Тамгын газрын 2023 онд шинээр томилогдсон албан хаагчдад чиглүүлэх сургалт 2023 оны 09 дүгээр сарын 12-ны өдөр зохион байгуулагдлаа. Тус сургалтаар байгууллагын бүтэц зохион байгуулалт, чиг үүрэг, албан тушаалын тодорхойлолт, байгууллагын давуу тал болон онцлог байдал, хөдөлмөрийн дотоод журмыг танилцуллаа.
Сумын Хамтарсан багийн гишүүдийг чадавхжуулах сургалтыг Хууль, эрх зүй хариуцсан мэргэжилтэн зохион байгуулж, Хамтарсан багийн 8 албан хаагч хамрагдлаа. Тус сургалтаар гэр бүлийн хүчирхийллийн хохирогчид үзүүлэх үйлчилгээ, хамтарсан багийн чиг үүргийг танилцууллаа.