Сумын Иргэдийн Төлөөлөгчдийн хурлын 2023 оны 11/05 дугаар тогтоолоор Алтанширээ сумын Ерөнхий боловсролын сургуулийг Төрийн соёрхолт, Ардын уран зохиолч, Соёлын гавьяат зүтгэлтэн Балжирын ДОГМИД-ын нэрэмжит болгон баталсан. Үүний дагуу Алтанширээ сумын Ерөнхий боловсролын сургуулийг Төрийн соёрхолт, Ардын уран зохиолч, Соёлын гавьяат зүтгэлтэн Балжирын ДОГМИД-ын нэрэмжит болгох хүндэтгэлийн үйл ажиллагаа 2023 оны 09 дүгээр сарын 04-ний өдөр зохион байгуулагдлаа. Тус арга хэмжээгээр Алтанширээ сумын Ерөнхий боловсролын сургуулийн сурагч, багш сурган хүмүүжүүлэгчид их зохиол Б.Догмидод хүндэтгэл үзүүллээ. Мөн аймгийн Боловсролын газрын ахлах мэргэжилтэн н.Цэнгэл, ахмад багш Ц.Наташа нар уригдан оролцлоо.  Төрийн соёрхолт, Ардын уран зохиолч, Соёлын гавьяат зүтгэлтэн Балжирын ДОГМИД нь өөрийн нэрэмжит төрөлх сургуульдаа биеийн тамирын иж бүрэн тоног төхөөрөмж, ардын хөгжим зэмсэгүүд, физикийн кабинетын иж бүрэн тохижилт, багш нарт нөөтбүүк, принтер зэрэг 29 сая төгрөгийн тоног төхөөрөмжүүд хандивлалаа.